युवा तथा साना व्यवसायी स्वरोजगार कोष सचिवालय

देशमा युवा बेरोजगारीको अवस्था कहाली लाग्दो छ । हामीले अवलम्वन गरिरहेको अर्थतन्त्र परिचालनको बिधिले लाखौ युवाको विदेश पलायनलाई रोक्न सकिरहेको छैन । यही अवस्था कायम रहिरहे हामी अदक्ष मजदुर उत्पादन गर्ने मुलुकको रुपमा मात्र परिचित हुने संभावना छ । अतः यो परिस्थितिबाट मुक्त नभई हामीले २१ औँ शताब्दीका चुनौती सामना गर्न संभव छैन । मैले अर्थ मन्त्रालयको कार्यभार सम्हालेकै दिन गरेको नीतिगत निर्णयमा नै युवा उद्यमीहरुका लागि बिशेष योजना बनाउने कुरा उल्लेख गरिएको छ । त्यो निर्णय कार्यान्वयन गराउने कुरामा म दृढ छु । 

यही कुरालाई मध्यनजर गरी वि.स. २०६५ सालमा गणतन्त्र पछिको पहिलो सरकारको पालामा युवा वेरोजगारीको अन्त्य गर्ने र देशभित्रै रोजगारीका लाखौ भ्रुणहरुको विकास गर्ने उद्देश्यका साथ युवा तथा साना व्यवसायी स्वरोजगार कोषको स्थापना गरिएको हो । मुलुकमा व्याप्त अस्थिरताको कारण यो कोषका उद्देश्यहरु पूरा नभएको जस्तो देखिए पनि यो नै हाम्रो मुलुकको गरिबी निवारण र रोजगारीका अवसरहरुको श्रृजना गर्ने राम्रो विधि हो । कोष मार्फत अशिक्षित र वेरोजगार युवाहरुलाई स्वरोजगार बनाउन अभिमुखीकरण, व्यवसायिक तथा सीपमूलक तालिम प्रदान गर्नुका साथै बैंक एवं वित्तीय संस्थाहरु मार्फत बिना धितो सहुलियत ब्याजदरमा आवधिक कर्जा प्रदान गरी वेरोजगार युवाहरुको आयआर्जनमा वृद्धि गरी जीविकोपार्जनलाई सहज बनाउन मद्दत पुग्नेछ । 

आर्थिक रुपले पिछडिएका विपन्न वर्ग, महिला, दलित, आदिवासी, जनजाति, द्वन्द्वपीडित, अपाङ्ग, घाइते परिवार एवंम् परम्परागत सीप भएका युवाहरुलाई व्यावसायिक खेती, कृषिजन्य उद्योग वा सेवामूलक स्वरोजगार कार्यक्रम सञ्चालन गर्न सहुलियत ब्याजदरमा कर्जा प्रदान गरिनेछ । हाम्रो मुलुक अब संक्रमणकालको अन्त्य तर्फ लम्किरहेको छ । स्थानीय, संघीय हुँदै केन्द्रीय चुनाब गरेर संबिधानको कार्यान्वयपछि हामी आर्थिक समृद्धिको दिशामा अघि बढ्नै पर्छ । त्यसको आधार र जग तयार पार्ने काममा यो कोषले महत्वपुर्ण योगदान दिनसक्छ । तर सबैको सहयोग र समर्थन यसमा आवश्यक छ ।  

अन्त्यमा, युवा तथा साना व्यवसायी स्वरोजगार कोषका माध्यमबाट नेपालमै रोजगारीको अवसर सृर्जना गरी युवा जनशक्तिलाई नेपालमै बस्ने वातावरण तयार पार्न म र मन्त्रालय परिवार सकारात्मक छौं । यसमा सबै सरोकारवाला निकाय एवं नीति निर्माणमा संलग्न व्यक्तिहरुको सहयोगी भूमिकाको लागि म यस कोषको अध्यक्षको हैसियतले पनि सबैमा आग्रह गर्दछु । 

............................

(कृष्णबहादुर महरा)

उप-प्रधान तथा अर्थमन्त्री 

अध्यक्ष - युवा तथा साना व्यवसायी स्वरोजगार कोष

०७ भदौ २०७३

उपाध्यक्षको आव्हान

नेपालको कुल ग्राहस्थ उत्पादन र रोजगारीमा कृषि क्षेत्रको महत्वपुर्ण योगदान रहेता पनि यस क्षेत्रको उत्पादन र उत्पादकत्व बढाउनु पर्ने आजको आवश्यकता हो । यसका लागि युवाहरुको सीप र दक्षता बृद्धिका साथै पूजिको उपलब्धता बढाउनु पर्ने भएकोले युवा तथा साना व्यवसायी स्वरोजगार कोषले आवश्यक तालिम  र रु. २ लाख सम्मको कर्जा बैंक वित्तीय संस्था एवं सहकारी संस्था मार्फत मूलुक भरका बेरोजगार युवाहरुलाई प्रदान गर्दै आएकोछ । करिब ४१ लाख युवाहरु बैदेशिक रोजगारीमा गएको बर्तमान अबस्थामा कोषको जिम्मेवारी गहन भएको तथ्य हामीले महशुस गरेकाछौं ।  नेपालको अर्थतन्त्र सुदृढीकरण गर्न स्थानीय साधन र श्रोतलाई अधिकतम् सदुपयोग गरी गाँऊ स्तरमै स्वरोजगारको अवसरहरु सृजना गरेर ग्रामीण अर्थतन्त्र सवल बनाउनको लागि वेरोजगार युवाहरुलाई आवश्यक पर्ने पूँजी, प्रबिधि तथा बजार बिकास र बिस्तार गरी  बेरोजगारी समस्या समाधान गर्न  २०६५ मा स्थापित युवा तथा साना ब्यवसायी स्वरोजगार कोष आफ्नो उद्देश्य अनुसार अगाडि बढिरहेको छ । 

परम्परागत सीप भएका तर पूंजि अभावको कारण  आय आर्जनमा संलग्न हुन नसकिरहेका विपन्न वर्ग, द्वन्द्व पिडित, दलित जनजाति तथा आर्थिक रुपमा पिछडिएका अल्पसंख्यक समुदायलाई प्राथमिकता दिई ७५ वटै जिल्लामा लागू हुने गरी उत्पादनमूलक  कार्यक्रमहरु संचालन गर्न थोक कर्जा परिचालन गरिएकोछ ।  नेपाल राष्ट्र बैंकले तोकेको  निश्चित प्रतिशत यो बिपन्न बर्ग कर्जा अन्तर्गत लगानी गर्नु पर्ने र उक्त बिपन्न बर्ग कर्जाको एक तिहाई हिस्सा कोषलाई उपलब्ध हुने हुँदा  स्थायी श्रोत निर्माण भएको छ । यसरी उपलब्ध भएको वित्तीय साधन र श्रोत सीप भएका युवाहरु समक्ष पु¥याउनु र  सीप नभएकाहरुलाई  सीप सिकाएर उनीहरुको दक्षताको आधारमा विपन्न बर्ग कर्जा अन्तर्गत प्राप्त वित्तीय श्रोत कोषले उपलब्ध गराउदै आएकोछ ।

वेरोजगारीको समस्यालाई नेपालको ग्रामीण अर्थतन्त्र सुदृढीकरण गर्ने सुअवसरमा बदल्ने दीर्घकालिन लक्ष्य हासिल गर्न कोष एक्लैको प्रयास प्रयाप्त नहुने भएकोले नीति निर्माण तहमा रहेको निकायहरु, कार्यन्वयन तहमा रहेका संस्थाहरु र सबै सरोकारवाला निकायहरुको योगदान उत्तिकै आवश्यक पर्ने भएकोले सहयोग र सहकार्यको लागि हार्दिक अनुरोध गर्दछु ।

(डा.प्रेमप्रसाद दंगाल)

उपाध्यक्ष

युवा तथा साना व्यवसायी स्वरोजगार कोष 

२०७२।१०।०१

कार्यकारी निर्देशकको भनाई

नेपाल कृषि प्रधान देश भएर पनि कृषि उपजमा आधारित उद्योगहरुको स्थापना कमै भएको, भौगालिक विकटताले गर्दा उत्पादित कृषि उपजको बजार पहुँच नभएको र विकासका पुर्वाधारहरु समानुपातिक रुपमा निर्माण नहुँदा बसाई सराई जस्ता समस्या एकातिर सिर्जना भएका छन् भने अर्कोतिर वार्षिक रुपमा श्रम बजारमा प्रवेश गर्ने युवाहरुको संख्यामा वृद्धि हुँदै जाँदा वेरोजगारीको समस्या बढ्दै गएको कुरा सबैमा विदितै छ । यसै सन्दर्भमा उत्पादनशील श्रमको अधिकतम उपयोग तथा उद्यमशिलताको विकास गर्दै परम्परागत उत्पादन प्रणालीमा व्यापक परिवर्तन एवम् आधुनिक प्रविधिको उपयोग लगायत  स्थानीय स्रोत साधनमा आधारित तथा बजार निर्देशित उत्पादन गरी आर्थिक सम्वृद्धि हासिल गर्न युवा व्यवसायीहरुलाई बैंक/वित्तीय संस्था तथा सहकारी संघ संस्थाहरुबाट बिना धितो सहुलियत व्याजदरमा आवधिक कर्जा उपलब्ध गराउने उद्देश्यले यस कोषको स्थापना भएको हो । 

राज्यमा सृजना हुने रोजगारीको अवसरहरुको तुलनामा निकै ठूलो संख्यामा युवाहरु श्रम बजारमा प्रवेश गर्ने र अवसरको खोजिमा वैदेशिक रोजगारीमा जानु पर्ने बाध्यता रहेको छ । यस्तो वेरोजगारी समस्या समाधानको लागि यस कोषले युवाहरुलाई प्रविधि मैत्रि बनाउँदै सीप र क्षमताको विकासद्वारा उद्यमशिलताको विकास गरी आर्थिक क्रियाकलाप सञ्चालन गर्न आवश्यक पर्ने पूँजी स्वरोजगार कर्जाको रुपमा उपलब्ध गराउँदै आएको छ । 

आगामी दिनमा समेत स्वरोजगारीको अवसरहरु पहिचान गरी उत्पादनका साधनहरुमा पहुँच नभएका युवाहरु विशेषगरी पिछडिएका वर्ग, महिला, दलित, जनजाती, द्वन्द्वपीडित समुदायलाई प्राथमिकतामा राखी कृषि, पशुपालन, सेवामुलक र साना तथा मझौला उद्योगहरुमा लगानी बढाउँदै स्वरोजगारीको अवसरहरु वृद्धि गर्न सरोकारवाला सबै निकाय एवम् समुदायको समन्वय तथा सहकार्यबाट मात्र संभव हुने भएकाले कोषको कार्यकारी निर्देशकको हैसियतले सम्बद्ध सबैको समन्वय, सहकार्य एवं सहयात्राको लागि हार्दिक अनुरोध गर्दछु । 

डा. बिष्णु प्रसाद गौतम

कार्यकारी निर्देशक

युवा तथा साना व्यबसायी स्वोरोजगार कोष, सचिवालय  

नयाँ जानकारी

युवा तथा साना व्यवसायी स्वरोजगार कोष संचालक समितिको ३४ औं बैठक सम्पन्न ।

2016-06-27 04:18:15

कोषको सञ्चालक समितिको ३४ औं बैठक कोषका अध्यक्ष एवं माननीय अर्थमन्त्रीज्यूको अध्यक्षतामा अर्थमन्त्रीज्यूको सचिवालयमा बैशाख २ गते बस्यो । उक्त बैठकमा कोषको थोक कर्जा प्रबाहमा बृद्धि गर्नेे तथा प्रारम्भिक सहकारी संस्थाहरुलाई लगानी गर्न अर्थमन्त्रीले निर्देशन गर्नुभयो । 

कोषको ३३ औं बैठक पश्चात् गरिएका कामकारवाहीको समीक्षा भयो । ६९ वटा सहकारी संस्थाहरुसँग रु ४० करोड ३३ लाखको कर्जा लगानी सम्झौता भई सो को प्रथम किस्ता वापतको रकम प्रवाहका लागि प्रक्रियामा रहेकोछ । कोषले २०७२÷५÷३० मा सार्वजानिक सूचना गरी लगानीका लागि प्रस्ताव माग गरेकोमा दरखस्त दिने ८५० वटा प्रारम्भिक सहकारी संस्थाहरुमध्ये हालसम्म १४ वटा (भूकम्पबाट प्रभावित जिल्लाहरु र बाढीबाट प्रभावित बाँके, बर्दिया… अझ धेरै...

अधिकृत स्तरीय तालिम सम्पन्न

2016-06-01 06:57:14

युवा तथा साना व्यवसायी स्वरोजगार कोषका अधिकृत स्तरका २७ जना (महिला ६ र पुरुष २१) कर्मचारीहरुलाई सात दिवसीय अल्पकालिन क्षमता विकास तालिम मिति २०७३ जेष्ठ ७ गते बाट १४ गतेसम्म सञ्चालन भएको थियो । कर्मचारीहरुलाई क्षमता विकास तालिम उपलब्ध गराउन अर्थ मन्त्रालयबाट नेपाल सरकार राजश्व प्रशासन तालिम केन्द्रमा बजेट विनियोजन भएकाले उक्त तालिमको आयोजना राजश्व प्रशासन तालिम केन्द्रबाट भएको थियो । सात दिनसम्मको समयावधिमा गुनासा सुनुवाई, सकारात्मक सोच, सहकारी र गरिवी निवारणको सम्बन्ध, प्रतिवेदन लेखन, वजेट तयारी, कार्यालयको आन्तरिक नियन्त्रण प्रणाली, सम्पती सुद्धीकरण सम्बन्धी कानूनी व्यावस्था, नेपालमा लघु वित्तको नीति, सहकारी निगमन, सहकारीका अवसर तथा चुनौती, कार्यालयमा पत्रचार टिप्पणी लेखन,… अझ धेरै...

युवा तथा साना व्यवसायी स्वरोजगार कोषको प्रबद्र्धनात्मक कार्य सम्पन्न

2016-05-15 05:21:00

युवा तथा साना व्यवसायी स्वरोजगार कोषका उद्देश्यहरु, लगानीका आधारहरु तथा कोषको परिचालन लगायतका बिषयलाई प्राथमिकता दिई लक्षित वर्गसम्म कोषका कार्यक्रम पु¥याउने उद्देश्यले यही ज्येष्ठ १ गते राष्ट्रिय सभा गृहमा कोषले १ दिनको लागि स्टल स्थापना गरी सूचना प्रवाह गरेको थियो । कोषले तयार गरेको सूचनामूलक सामाग्री  बितरण गर्दै  जिज्ञासु युवाहरुको बीचमा दोहोरो सम्बादद्वारा थप स्पष्ट गरिएको थियो । बैदेशिक रोजगारीमा जानु नपरोस्, स्वदेशमै सानो लगानीबाट उद्यमशील बन्न पाए हुन्थ्यो भन्ने लाखौ युवाहरुले कोषको कर्जा कसरी पाइन्छ, ब्याजदर कति हो, कुन कुन ब्यवसाय सञ्चालन गर्न स्वरोजगार कर्जा पाइने हो, स्वरोजगार कोषले उपलब्ध गराउने कर्जा र अन्य कर्जा बीच के फरक छ… अझ धेरै...

कर्मचारीहरुलाई पाँच दिवसीय अल्पकालिन क्षमता विकास तालिम सम्पन्न

2016-05-11 07:08:00

युवा तथा साना व्यवसायी स्वरोजगार कोषका सहायक स्तरका २१ जना (महिला १२ र परुष ९) कर्मचारीहरुलाई पाँच दिवसीय अल्पकालिन क्षमता विकास तालिमको व्यवस्था मिति २०७३ वैशाख २३ बाट २७ सम्म गरिएको थियो । कर्मचारीहरुलाई क्षमता विकास तालिम उपलब्ध गराउन अर्थ मन्त्रालयबाट नेपाल सरकार राजश्व प्रशासन तालिम केन्द्रमा बजेट विनियोजन भएकाले उक्त तालिमको आयोजना राजश्व प्रशासन केन्द्रबाट भएको थियो । पाँच दिनसम्मको समयावधिमा कर्मचारीको भूमिका, उत्प्रेरण, सकारात्मक सोच, सहकारीको अवसर तथा चुनौतिहरु, गरिवि न्यूनिकरण गर्न सहकारीको भुमिका, कर्जाको जोखिम व्यवस्थापन, सहकारीको अनुगमन तथा मूल्याङ्गकन, कर्जाको लेखा जोखा, कर्जा व्यवस्थापन, पल्र्स विश्लेशण,पल्र्स कार्यान्वायन, सहकारीहरुले वुझाउनु पर्ने प्रतिवेदन तथा प्रतिवेदन लेखन आदि विषयमा… अझ धेरै...

सहकारीका पदाधिकारीहरुलाई अनुशिक्षण तालिम सम्पन्न

2016-04-18 06:14:12

कोषको व्यवस्था अनुसार कर्जा सम्झौता पूर्व एक दिवसीय अनुशिक्षण तालिम दिने व्यवस्था रहेको छ । सो व्यवस्था अनुसार मिति २०७२ चैत्र १६ गते मंगलवार विभिन्न जिल्लाका २२ वटा सहकरीहरु, मिति २०७२ चैत्र १८ गते विहिबार २५ वटा सहकारीहरु र मिति २०७२ चैत्र २१ गते आइतवार २२ वटा सहकारीहरु गरी  जम्मा ६९ वटा सहकारीहरुका अध्यक्ष र व्यवस्थापक गरी जम्मा १३८ जनालाई अनुशिक्षण तालिम प्रदान गरियो ।